მადრიდი "რეალის" ფეხბურთელები კონცენტირებულნი არიან "სარაგოსასთან" მატჩზე. ჟოზე მოურინიოს მიერ გამოძახებულმა 21–ვე ფეხბურთელმა "სანტიაგო ბერნაბეუდან"გეზი სასტუმრო "Mirasierra Suites"-სკენ აიღეს, სადაც ხვალინდელი მატჩის დაწყებამდე დარჩებიან.

"ლა ლიგის" 20-ე ტურის მატჩის წინ, რომელსაც მადრიდის "რეალი" "სარაგოსასთან" გამართავს, აიტორ კარანკამ პრესკონფერენცია გამართა...

ჟოზე მოურინიომ დაასახელა ის 21 ფეხბურთელი, რომლებიც ხვალინდელი მატჩის განაცხადში მოხვდნენ. მატჩს ტრავმების გამო ხედირა და დი მარია გამოტოვებენ, ასევე არ იქნება სერხიო რამოსიც.

დღეს, თბილისი დროით 21:00 საათზე მადრიდის "რეალის" ფებურთელებმა უკანასკნელი ვარჯიში გამართეს ხვალინდელ მატჩამდე, რომელიც "სანტიაგო ბერნაბეუზე" გაიმართა. დღევანდელ სესიაზე ჟოზე მოურინიოს განკარგულებაში 22 ფეხბურთელი იყო. ვარჯიში მხოლოდ რამოსმა, დი მარიამ და ხედირამ გამოტოვეს.

გერმანული სპორტული კომპანია Adidas- ის მაღაზიებში მადრიდის "რეალის" ფორმები იყიდება, რომელსაც "მერენგები" სავარაუდოდ მომავალ სეზონში მოირგებენ...

შეიძლება ზოგისთვის ეს დამამცირებელი იყოს, ზოგმა ირონიულად ჩაიღიმოს, ზოგმაც ტაში შემოჰკრას მადრიდის "რეალის" დაცემის აღსანიშნავად, მაგრამ სათაურს დავესესხები და კიდევ ერთხელ გავიმეორებ, რომ ფრეს, რომელიც ფერნანდო ტეიშეირა ვიტიენესსა და სამეფო კლუბს შორის გამართულ შეხვედრაში დაფიქსირდა, გამარჯვების გემო აქვს. მათ, ვისაც ნაადრევად ეწვია სიხარული, მივმართავ: არა, აქ ტაბლოზე დაფიქსირებული ციფრები არ არის მთავარი, ქარიმ ბენზემას რომ საკუთარ მადრიდულ და კარლეს პუიოლის კატალონიურ კარიერაში ყველაზე დასამახსოვრებელი გოლი არ გაეტანა, ამ სტატიის სათაური იქნებოდა "მარცხი, რომელსაც გამარჯვების გემო აქვს". და რომ არა ის, რამაც ტურის მოთამაშედ ტეიშეირას დასახელებისკენ მიბიძგა, შეიძლება ხუთი სიტყვისგან შემდგარი უკეთესი კომბინაცია შემომეთავაზებინა, მაგალითად, "კლასიკური დაბრუნება, ანუ Merci, Madrid" ანდა სულაც ერთ სიტყვაზე შევჩერებულიყავი: "Remontada!"

საიტის სახელით სრულიად საქართველოს გილოცავთ ნინოობის ბრწყინვალე დღესასწაულს. (განსაკუთრებით ნინოებს!) წმინდა ნინო იყოს თქვენი და თქვენი ოჯახების მფარველი.

მადრიდის "რეალის" ინსტიტუციონალური ურთიერთობების დირექტორი, ემილიო ბუტრაგენიო, "კამპ ნოუზე" ჩატარებული მატჩით კმაყოფილი იყო...

ფაქტია, "კამპ ნოუზე" ჩატარებული მატჩი მთავარი მსაჯისთვის არცთუ ისე საუკეთესო იყო. კანტაბრელი არბიტრი შეხვედრის მთავარი იმედგაცრუება გახდა. ვიტიენესმა არ დანიშნა 3 პენალტი, არაერთხელ დაინდო ლასანა დიარა და ზედმეტი სიმკაცრე გამოიჩინა რამოსის მიმართ...

როგორც მოგეხსენებათ, გასულ ოთხშაბათს, "სამეფო თასის" საპასუხო 1/4 ფინალურ მატჩში მადრიდის "რეალი" "ბარსელონას" დაუპირისპირდა "კამპ ნოუზე". მატჩი საკმაოდ დაძაბული გამოდგა. მიუხედავად იმისა, რომ მასპინძლებს ორ ბურთიანი უპირატესობა ჰქონდატ, მატჩი საბოლოოდ ფრედ, 2–2 დასრულდა. რაღა თქმა უმდა, ამ დაპირისპირებაში მონაწილეობა კრიშტიანუ რონალდუმაც მიიღო.