იკერ კასილიასი დღევანდელ პრესკონფერენციაზე ძალიან გულწრფელი იყო. მან გულშემატკივრებს პატიება სთხოვა და განაცხადა, რომ გუნდი ყველაფერს გააკეთებს, რათა "ლა ლიგა" პირველ ადგილზე დაასრულოს.

მადრიდის "რეალის" მთავარმა მწვრთნელმა, მანუელ პელეგრინიმ, ყველაფერი გააკეთა, რათა საკუთარი გუნდის თამაშში მეტი მრავალფეროვნება და აგრესიულობა შეეტანა, თუმცა "ლოს ბლანკოსის" ფეხბურთელებს უბრალოდ თამაში არ სურდათ...

გუშინ მანუელ პელეგრინიმ მადრიდის "რეალის" მთავარი მწვრთნელის რანგში ყველაზე ცუდი შეხვედრა ჩაატარა. მას შემდეგ, რაც "ჩემპიონთა ლიგის" 1/8 ფინალურ ეტაპზე "ბლანკოსმა" სრული კრახი განიცადა, მან მთელი პასუხისმგებლობა საკუთარ მხრებზე იტვირთა, თუმცა იქვე აღნიშნა, რომ არსად წასვლას არ აპირებს.

გუშინ, "სანტიაგო ბერნაბეუზე", მადრიდის "რეალმა" მორიგი ფიასკო განიცადა და "კოპა დელ რეიდან" სამარცხვინო გამოთიშვის შემდეგ, იგივე "ჩემპიონთა ლიგაზე" გაიმეორა. "ნეო–გალაქტიკოსის" უახლესი ისტორია წარმატებით ნამდვილად ვერ დაიკვეხნის, "ლიონმა" კი კიდევ ერთხელ დაამტკიცა, რომ დღევანდელ ფეხბურთში მთავარი მონდომება და რწმენაა. ერთი სიტყვით, სჯობს, კომენტარისგან თავი შევიკავო და ფეხბურთელების შეფასებები წარმოგიდგინოთ...

დღეს, "სანტიაგო ბერნაბეუზე" გასამართი მატჩის ირგვლივ ბევრი ითქვა და ბევრიც დაიწერა. ვარაუდი გამოთქვა და პროგნოზი გააკეთა ყველამ, ვისაც ამის გაკეთება არ დაეზარა. ასე მაგალითად, საერთაშორისო სააგენტო Goal.com –მა ამ თემას ორი სპეციალური სტატია მიუძღვნა, სადაც სათითაოდ დაასახელა 6 მიზეზი, რომლის გამოც "ლოს ბლანკოსი" მომდევნო ეტაპზე გავა და ვერ გავა. მე მას გაერთიანებული სახით შემოგთავაზებთ.

უახლოეს დღეებში გასამართ ევროპულ გიგანტთა დაპირისპირებებს შორის, "ლოს ბლანკოსის" საშინაო შერკინება "ლეს გონესთან" გულშემატვივართა შორის ყველაზე დიდ ინტერესს იწვევს. ეს არ არის მხოლოდ "ჩემპიონთა ლიგის" 1/8 ფინალური ეტაპის განმეორებითი შეხვედრა, რომელიც თავისთავად ძალზე მნიშვნელოვანია, არა, ეს არის ბრძოლა ღირსებისა და სიძლიერისთვის... მორიგი უიღბლობა თუ დამსახურებული ტრიუმფი ? ფრანგები "სანტიაგო ბერნაბეუს" სტუმრობენ...

1985 წლის 10 მარტს ქვეყანას ლონდონის "არსენალისა" და "ჩელსის" ყოფილი, ამჟამად კი მადრიდის "რეალის" საყრდენი ნახევარმცველი, ლასანა დიარა მოევლინა.

იკერ კასილასმა მადრიდისტებს მხარდაჭერისკენ მოუწოდა. მისი აზრით, გუნდს შესწევს ძალა, "ლიონის ოლიმპიკის" წინააღმდეგობა დაძლიოს და 1/4 ფინალური ეტაპის საგზური მოიპოვოს.

"ესტადიო სანტიაგო ბერნაბეუ" უკვე სრულ მზადყოფნაშია. მადრიდის "რეალის" ლეგენდარული სტადიონი ღირსეულ პატივს მოითხოვს. ის შეცდომებს არ პატიობს, ის დაუნდობელია. ის ფრანგებს ელის. ელის, რათა უმოწყალოდ გასრისოს და ჩემპიონობის დაუოკებელი წყურვილი დაიკმაყოფილოს.

გუშინ, "ვალენსიისა" და "რასინგის" შეხვედრის შემდეგ, "ლა ლიგაში" მომდევნო, რიგით 25–ე ტური დასრულდა. რა თქმა უნდა, აღნიშვნის გარეშე არც კვირის საუკეთესო ფეხბურთელები დარჩენილან.

ერთადერთი თემა, რომელსაც დღევანდელ პრესკონფერენციაზე კრიშტიანუ რონალდუს გონება დასტრიალებდა, "ჩემპიონთა ლიგაზე" "ლიონის ოლიმპიკთან" გასამართი შეხვედრა იყო.

მადრიდის "რეალმა" "სევილიას" კარის მიმართულებით 34 –ჯერ დაარტყა. აქედან 14–ჯერ ბურთი ზუსტად მიზანში წავიდა, 3–ჯერ ძელს მოხვდა, 8–ჯერ აცდა, 9–ჯერ კი მეტოქემ მოიგერია ან ჩაჭრა. "ლიონის" კარის დალაშქვრა კი სამეფო კლუბმა სულ 17–ჯერ სცადა, რაც ზუსტად იმდენია, რამდენი სუფთა საგოლე მომენტიც შაბათს, ანდალუსიელების წინააღმდეგ შეიქმნა...

ვან დერ ვაარტმა "სევილიას" წინააღმდეგ გააკეთა ის, რაც უამრავ კლუბში, უამრავ ფეხბურთელს, უამრავ მატჩში არასდროს გაუკეთებია. 36 წუთი, საგოლე გადაცემა და გამარჯვების გოლი... "ის ამას იმსახურებს", – განაცხადეს მისმა კოლეგებმა შეხვედრის დასრულების შემდეგ, – "მას აქ ისე უჭირდა, როგორც არავის, მაგრამ ბოლომდე იბრძოლა და მიზანს მიაღწია კიდეც..."

ბრაზილიელი მცველის განცხადებით, "სანტიაგო ბერნაბეუზე" უბრალოდ 11 ფეხბურთელი მეტოქე 11 –ს დაუპირისპირდება...