ფინალური სესიის დასრულებისთანავე, ჟოზე მოურინიო "სანტიაგო ბერნაბეუს" პრესის ოთახში წარსდგა და მედიის წარმომადგენლების მიერ დასმულ შეკითხვებს უპასუხა.

"გრანადა" კარგი გუნდია, რომელიც სოლიდურია დაცვაში და საკმაოდ სახიფათოა შეტევაში. მსურს, მივულოცო ამ გუნდის გულშემატკივარს, ვინაიდან მათ საკუთარი გუნდის მხარდასაჭერად შორი გზა განვლეს და, როგორც იქნა, 36- წლიანი პაუზის შემდეგ ესტუმრნენ "სანტიაგო ბერნაბეუს". სიმართლე გითხრათ, ჩემთვის "გრანადას" მწვრთნელად ან ფეხბურთელად თამაში საამაყო იქნებოდა".

"ახლა, უფრო მეტად მონდომებული ვარ "ლა ლიგის" მოსაგებად. "ჩემპიონთა ლიგა" ’El Dorado’- ს წააგავს, რადგან მისი მოგება ყველას სურს, მაგრამ პატარა დეტალები ხშირად ბევრ რამეს ცვლის, მათ შორის გამარჯვებულის ვინაობასაც. ამიტომ, საჭიროა, ღირსეული ტიტული ეძებო, რომელიც ასეთი აქტუალური არ იქნება. "ჩემპ. ლიგა" სხვა გუნდებთან ერთად მომიგია. დამერწმუნეთ, ეს თვეების დაუღალავი შრომის შედეგია".

"ჩემმა ფეხბურთელებმა მომცეს გარანტია, ამიტომ არც ერთი ცუდად დაწყებული თამაშისას არ მაქვს იმის საბაბი, რომ მათი ნდობა დავკარგო. რაც ყველაზე მთავარია, მათ იციან, თუ როგორ გამოასწორონ ვითარება. მნიშვნელოვანია, რომ გულშემატკივარმა თამაშისგან სიამოვნება სწორედ შესვენების შემდეგ მიიღო და გუნდის ნდობაც დაიბრუნა".

"სეზონის დასაწყისშიც იცოდა ყველამ, რომ ბენზემასა და იგუაინს ერთადაც შეეძლოთ თამაში. უმჯობესია, როდესაც მინდორზე ერთი ფორვარდია, რომელსაც ორივე ფრთიდან მხარს პარტნიორები უმაგრებენ. გუნდი ამ სისტემით კარგად თამაშობს. ასე რომ, ასეთი ტაქტიკით ვაპირებთ თამაშების მოგებას".

"ძალიან ბევრი შესაძლებლობა მაქვს, რაც ძალიან სასიხარულოა. არაერთი ფეხბურთელი გვყავს გუნდში, რომელსაც დაცვის მარჯვენა ფლანგზე შესწევს თამაშის საშუალება. კარგია, როდესაც გუნდში გყავს შემცვლელი, რომელსაც ტრავმა არ აწუხებს. ამ შემთხვევაში, რამოსის ცენტრში დაყენება, როდესაც ტრავმირებული არბელოას ნაცვლად ალბიოლის, კოენტრაუს, ალტინტოპისა და ლასის დაყენება შეგვიძლია, ნამდვილად გვიადვილებს საქმეს".

"იმედი მაქვს, რომ ზამთარში გუნდს არავინ დატოვებს. ოზილის თამაში "მალაგას" წინააღმდეგ ძალიან მომხიბლავი იყო. მისი ძველი პრობლემები ჩემში ინტერესს არ იწვევს. ჩემი ინტერესები მის დღევანდელ და სამომავლო მდგომარეობას უკავშირდება. მისით ძალიან კმაყოფილი ვარ".


ინფორმაციის წყარო: RealMadrid.Com